27 наурыз күні колледждің оқу залында қазақ әдебиетінің көрнекті өкілі Бейімбет Майлиннің «Ел сыры» шығармасына арналған тәрбиелік іс-шара өтті. Іс-шараны «Кітапқұмар» оқырмандар клубы ұйымдастырып, оған студенттер мен оқытушылар қатысты.
Шара барысында үйірме мүшелері жазушының өмірі мен шығармашылығы туралы баяндап, «Ел сыры» шығармасының негізгі идеясы мен тәрбиелік мәніне тоқталды. Студенттер шығарма бойынша ойларын ортаға салып, сұрақтар қойып, пікірталасқа белсене қатысты.
Кездесу қызықты әрі танымды өтті. Шараға қатысушылар қазақ әдебиетінің құндылықтарын тереңірек түсініп, ұлттық мұраға деген құрметтерін арттырды. Мұндай іс-шаралар студенттердің рухани дамуына ықпал етіп, олардың әдебиетке деген қызығушылығын оятуға септігін тигізеді.