2024 жылдың 07 наурызында колледж кітапханашылары 1 курс студенттерімен «Оқуға құштар колледж» бағарламасы аясында «Мен кітапты ашамын.Мен әлемді танимын» тақырыбында кітапхана пәтері іс шарасын өткізді. Әдебиет адамға өмірді танытып қана қоймайды,мінез – құлқына, тұрмыс – тіршілігіне ықпал етеді.
Кітапхана пәтерінің мақсаты -білімнің кітап арқылы берілетінін ұғындыра отырып, кітаптың адам өміріндегі маңызы, ғылым мен білімнің пайдасы жайлы түсіндіру, әрбір тұлғаның кітап оқу арқылы кітапқа деген сүйіспеншілігін ояту, кітапты бағалай білуге, ұқыптылыққа тәрбиелеу.
Әр студент оқыған кітабы туралы әсерлерімен бөлісті – тарихи еңбектерден бастап психологиялық әдебиет пен көркем шығармаларға дейін. Талқылау өте қызықты өтті: қатысушылар сұрақтар қойып, пікір алмасты, бір-біріне кітаптар ұсынды.