2024 жылғы 26 желтоқсанда колледж кітапханасында «Оқуға құштар колледж» жобасы аясында «Кадрдағы кітап» жоспарына сәйкес Мыржақып Дулатұлының «Оян, қазақ!» шығармасы мен кітап желісі бойынша түсірілген фильм бойынша пікірталас іс-шарасы өтті.
Негізгі мақсаты М. Дулатовтың «Оян, қазақ» жинағы туралы; өлеңдерінің тақырыптары мен мазмұнын әңгімелеу; идеялық ерекшеліктерін таныту; ақын лирикасын талдай, түсіне білуге үйрету; студенттерді отаншылдыққа тәрбиелеу.
Қатысушылар кітапты талқылап, оны экрандалған нұсқасымен салыстырды. Талқылау барысында кітаптың кейіпкерлердің мінез-құлқын дәлірек сипаттайтынын және олардың ішкі әлемін тереңірек ашатынын атап өтті, ал фильм режиссердің өз идеяларымен толықтырылған.
Іс-шара өте қызықты және мазмұнды өтті. Студенттер қызығушылық танытып, сұрақтарға жауап беріп, өз әсерлерімен бөлісті.