2025 жылдың 20 ақпан күні кезекті педагогикалық кеңес өтті. Кеңесте білім беру процесінің өзекті мәселелері қарастырылып, колледждің даму бағыттары талқыланды. Студенттердің үлгерімі мен білім сапасын арттыру мақсатында бірінші семестрдің мониторинг нәтижелері талданып, қосымша консультациялар ұйымдастыру, оқытушылардың әдістемелік шеберлігін жетілдіру және білім алушылардың өзіндік жұмысын күшейту ұсынылды. Сонымен қатар, кәсіби практика мен дуалды оқыту жүйесін дамыту аясында колледж бен өндірістік кәсіпорындар арасындағы ынтымақтастықты нығайту мәселелері қарастырылды. 2024-2025 оқу жылының 1-жарты жылдығындағы кәсіптік бағдар беру жұмыстары аясында мектептерде кездесулер, ашық есік күндері және онлайн кеңестер өткізілді. Нәтижесінде, колледжге қызығушылық танытқан талапкерлер саны артты. Кәсіптік бағдар беру жұмысын одан әрі жетілдіру үшін жаңа әдістер мен ақпараттық технологияларды енгізу жоспарланды. Сондай-ақ, студенттер арасында сыбайлас жемқорлыққа қарсы мәдениетті қалыптастыру мақсатында құқық қорғау органдары өкілдерінің қатысуымен түсіндіру жұмыстары жүргізілді. Оған қоса, пікірталастар, дөңгелек үстелдер және тренингтер ұйымдастырылды. Колледж түлектерінің 2023-2024 оқу жылындағы жұмысқа орналасу көрсеткіштері де сарапталды. Түлектердің басым бөлігі өз мамандықтары бойынша жұмысқа орналасқан, ал кейбірі жоғары оқу орындарында білімін жалғастыруда. Кәсіпорындармен байланыстарды күшейту және жұмыс берушілермен бірлескен жобаларды іске асыру арқылы түлектерді жұмысқа орналастыру деңгейін арттыру мәселелері қарастырылды. Кеңесте сондай-ақ колледждің алдағы жоспарлары, оқу үдерісіндегі өзгерістер және ұйымдастырушылық мәселелер талқыланып, бірқатар шешімдер қабылданды. Жауапты тұлғаларға нақты тапсырмалар жүктелді. Осы педагогикалық кеңесте қабылданған шешімдер колледждің білім сапасын арттыруға және студенттердің кәсіби дамуына оң ықпал етеді деп күтілуде. Педагогикалық кеңестің соңында колледж басшысы Салтанат Кайратовна ЭКСПО көрмесінде жұмысшы мамандықтар жылына орай ұйымдастырылыған «Жұмысшы мамандықтар қаласы» фестивалінде «Ландшафт үйі» көрмесіне ат салысқан әріптестерді Оқу ағарту министірінің Алғыс хатымен марапатады.
