03.12.2024 ж. Астана жастары ЖРО ұйымдастыруымен өткен елорданың үздік волонтерлік ұйымдары марапатталған «Volunteer Fes-2024» мерекелік іс-шарасында Колледждің “Ашық жүрек” еріктілер клубы да екінші жыл қатарынан марапатқа ие болып, ерекше ықыласқа бөленді.
Іс-шара барысында 8 түрлі бағыт бойынша ең белсенді еріктілер мен ұйымдар анықталып, марапатталды: экологиялық, әлеуметтік, төтенше жағдайлар мен жоғалған адамдарды іздеу, инклюзивті, іс-шаралар, қоғамдық тәртіп, медицина саласындағы және жануарларды қорғау волонтерлігі.
Концерттік бағдарлама мен марапаттау рәсімі волонтерлердің қоғамның дамуына қосқан зор үлесін атап өтіп, жақсылық жасауға шабыттандырды. Бұл мереке – волонтерлік қозғалыстың маңыздылығын тағы да айқындап, жастардың қоғамға пайда әкелуге деген ынтасын арттырары сөзсіз.