19.03.2025 ж. Наурыз мерекесі қарсаңында «Жаңашыр жүрек» республикалық қайырымдылық акциясы аясында «Жақсылық жаса» атты қайырымдылық концерті ұйымдастырылды. Бұл іс-шара Сервис және туризм колледжі мен «Мейірімділік-М» қоғамдық қорының қолдауымен өтті.
Концерттің негізгі мақсаты – ұлттық құндылықтарды дәріптеу, қайырымдылық пен мейірімділік ұғымдарын насихаттау және мерекелік көңіл-күй сыйлау болды. Іс-шара барысында студенттер мен колледж қызметкерлері ән, күй, би, театрландырылған көріністер арқылы көрермендерге рухани ләззат сыйлады.
Концертте қазақ халқының киелі өнері – қобыз сазы, домбыра күйлері, ұлттық әндер орындалып, көрермендерді ерекше әсерге бөледі. Сонымен қатар, «Құсни Қорлан», «Қазақ осы», «Анашым» әндері орындалып, «Үкілі» би тобы өз өнерлерін көрсетті.
Іс-шара соңында ұйымдастырушылар мен қатысушыларға алғыс айтылып, Наурыз мейрамы қарсаңында мұндай игі бастамалардың жалғасын табатыны атап өтілді. Бұл кеш жақсылық жасауға, мейірімділік танытуға және ұлттық құндылықтарды құрметтеуге үндеген ерекше мереке болды.
Қамтылуы – 32 студент.