2024 жылы 25 қаңтарында кітапхана оқу залында Мұхтар Әуезовтың «Көксерек» әңгімесіне 95 жыл толуына орай «Оқуға құштар колледж» жобасы аясындағы «Кадрдағы кітап» пікірталас киноклубының жұмыс жоспарына сәйкес 3 курс студенттерімен 3ОПп-21Рбк тобының жетекшісі А.К.Байжикенова дискуссия өткізді. Іс -шарада М.Әуезовтың өмірі және шығармашылығы туралы қысқаша мағлұмат беріліп, кітап көрмесіне шолу жасап, кітап желісімен түсірілген «Көксерек» кинофильмінен үзінді көрсетілді.
Пікірталастың мақсаты : Студенттерді адалдыққа, табиғатқа қамқор болуға тәрбиелеу, жақсы мен жаманды ажырата білу. «Көксерек» әңгімесіне талдау жасалып, тақырыпқа байланысты түрлі викториналық сұрақтар қойылды.
М. Әуезовтің «Көксерек» әңгімесі- өзінің проблемалық өзектілігі жағынан, тақырыптық ерекшелігі жағынан бітімі бөлек шығарма. Әңгіме сол дәуірде үлкен бағыт алған адам-табиғат тақырыбына құрыла білген. Бұл, расымен де ұзын сонар тақырып екені белгілі. Және де дәл сол шығармаларды оқу арқылы да жазушы шабыт алғанын көреміз.