02.11.2023 ж. колледжде жұмыс біліктілігі бойынша эксперименттік білім беру бағдарламасы (пилоттық жоба) бойынша оқитын оқушылардың ата-аналары үшін “Оқу процесін ұйымдастырудың ерекшеліктері” тақырыбында ата-аналар жиналысы өтті. Колледж базасында жоғары сынып оқушыларына жұмыс біліктілігін беру жөніндегі пилоттық жоба еліміздің барлық өңірлерінде жаңа оқу жылынан бастап жұмыс істейді. Жаңа білім беру бағдарламасы 10-11 сынып оқушыларына өз мектебінде оқып, колледждерде жұмысшы мамандықтарын қатар меңгеруге мүмкіндік береді. Біздің колледжде оқушылар аспазшы және слесарь мамандығының негіздерін меңгереді.
Өткен ата-аналар жиналысы ең маңызды жалпы мақсатты орындады: бірлескен жұмысқа эмоционалды көңіл-күй, білім беру ұйымының әкімшілігі, ата-аналар, топ жетекшілері арасындағы өзара сенім атмосферасын құру; ата-аналардың үміттерін зерделеу; ата-аналарды колледждегі оқу, тәрбие қызметінің негізгі бағыттарымен таныстыру.
Жиналыстың күн тәртібіндегі мәселелерді талқылағаннан кейін топ жетекшілері студенттердің ата-аналарымен аудиторияларда кездесіп, нақты мәселелерді талқылады.